Projek Agropolitan Bukit Sadok Bagi Menua Betong

Diambik ari Berita Iban (ari Utusan Borneo) - 20 Mei 2010

Perintah menua udah gemendar

Projek Agropolitan Bukit Sadok Perambu nya deka diatur ba atas tanah pesaka (NCR) ke ngembuan pemesai 6,949 hektar

KUCHING: Sapit Kepala Menteri, Datuk Patinggi Tan Sri Alfred Jabu anak Numpang madahka perintah menua Sarawak udah ngemendarka perambu Projek Agropolitan Bukit Sadok.Iya madahka projek nya di udah dikemendarka kena 18 Februari 2010 lalu deka diatur ba atas tanah pesaka (NCR) ke ngembuan pemesai 6,949 hektar.

Ku iya, projek nya deka berengkah dipejalaika ba Ulu Awik (Fasa 1, Kluster 1) enggau pemesai 349 hektar.

“Projek Agropolitan Bukit Sadok, Ulu Awik (Fasa 1, Kluster 1) belabuh digaga pengudah Opis Tanah enggau Survei tembu nyukat (tanah NCR),” ku iya.

Nitihka Jabu, projek nya nyengkaum DUN N.34 Krian, lalu penyampau ruang bilik ke kena projek nya kira 88 iti ruang bilik ari sembilan (9) bengkah rumah panjai.

Jabu ke mega nyadi Menteri Pemansang Menua Pesisir madahka, kena ngemujurka projek nya mayuh bengkah projek ke deka dipejalaika.

Iya mansutka jaku nya lebuhka nyaut tanya ari Johnical Rayong Ngipa (Bebas -Engkilili) ba hari ti ketiga aum Kunsil Nengeri (DUN) ditu kemari.

Nambahka nya ku iya, perintah udah ngemendarka 5 bengkah Projek Jalai Alun Menua Pesisir ba kandang endur Projek Agropolitan Gunong Sadok

“Opis Menteri Pemansang Menua Pesisir enggau Wilayah Sarawak (KKLW) udah milih RISDA ngemansangka kira 349 hekter pemesai endur nanam getah (Ladang Sejahtera).

“Nengah Bidang Keberhasilan Utama Nasional (NKRA) kena ngangkatka pemanah perengka guna mensia mayuh di menua pesisir, kira RM40 juta duit kena ngaga jalai alun ke pemanjai 20 kilometer (KM) lalu nya nyengkaum jalai Ng. Linsum, Mara, Melanjan, Jelang, Luing enggau Kerapa.

“Jalai Mara, Selangking, Kerapa, Luing sereta Temedah ke pemanjai 16KM nguna kus RM30 juta.

“Jalai Luing, Gerugu, Penyuin, Ijok, enggau Muman ke pemnjai 10KM ti nguna kus RM20 juta.

“Nambahka nya Jalai Selanking, Batu Pesok, Lempaong Fasa 1, pemanjai 1KM nguna kus RM5 juta.

“Nambahka nya nengah ungkup ke diberi perintah menua tu, jalai Ulu Layar, Ng. Tiga ngena kus RM49 juta,” ku iya.

Kelimpah ari nya ku Jabu, perengka guna mensia mayuh ke bukai iya nya bekal ai beresi, karan, program Bantuan Ruamh sereta Kursus Pemansang Modal Mensia deka dipejalaika tauka digaga ngambika ulih dikena rayat mayuh.


posted under |

0 comments:

Post a Comment

Newer Post Older Post Home

Jam Diatu

Temuai Ke Udah

Pasal Aku

FEEDJIT

FEEDJIT Live Traffic Feed

Randau Ruai


ShoutMix chat widget

Followers


Recent Comments