Projek PIAS Ngaga Jalai Engkalat / Nanga Lawih


Tuan Jalai ngau En Randi Edwin Glanggang serta En. Philip Dunggau ari opis kami JKR Betong bisi nemuai nuju Rh Nanga Tapih kena 21 Julai 2009.

Tuju kami tiga nemuai kiak laban kami bisi ngadu ka dialog nerang ka projek ngaga Jalai Engkalat / Nanga Lawih ya ke kak dipemansang serta dipejalai ari opis Tuan D.O. Nyadi aum tauka dialog tuk tadi bisi nyengkaum orang ke bempu tanah sepanjai jalai ya ke kak digaga tuk tadi. Maya aum kena 21/07/2009 tuk tadi, bala nembiak diketuai tuai rumah sida ya empu baka Rh Nanga Tapih, Rh Engkalat serta Rh Mujau bisi datai maya dialog tuk tadi.

Tuan Jalai nerang ka pasal tuju serta penatai peruntukan projek tuk tadi ari YB Datuk Douglas Uggah Embas; Ahli Parlimen P.204 lalu dipejalai ngenai Projek PIAS serta diadu ka opis Pejabat Daerah Betong. Peruntukan projek tuk tadi cukup maoh; RM 400 Ribu. Tuan Jalai ari Pejabat JKR Bhg Betong semina ngadu ka BQ serta Spesifikasi Projek jalai tuk tadi serta nyaga ambi kontraktor ngadu ka jalai tuk manah-manah serta nitih ka peruntukan ngau kualiti ya ka udah dirintai dalam BQ ngau Spesifikasi ka digaga tadi.

Cukup gaga ati bala rakyat menua Ng Tapih, Engkalat serta Mujau tuk tadi nerima pemansang serta projek ari opis perintah; kelebih agi projek ary YB tik dikesayau sida ianya YB Datuk Douglas Uggah. Ngau penyiap jalai tuk ila, ia ulih nyambung rumah panjai Ng Tapih ngagai Engkalat serta Mujau. Tambah mega, ia mansa siti sekula diak ianya SK Ng Lawih. Cukup nyamai bala cikgu tauka apai-indai nembiak ke sekula diak nganjong/mansang ngagai SK Ng Lawih nyak ila! Ati diatu, kereta bala cikgu semina nangka Ng Tapih aja serta terpaksa bejalai kaki nengah jalai kampung sejam pejalai baru datai ba SK Ng Lawih.

Cukup beruntung urang menua tuk ati jalai tuk udah tembuk ila. Tuan Jalai berasa gaga ati laban dialog kami ari nyak bejalai enggau mujur serta bala rakyat ka ka bisi bempu tanah dipansa jalai sanggup ngemendar ka tanah sida dipansa tanpa minta pampas tanah tauka buah! Munyi ko sida madah ngau Tuan Jalai: "Demi pemansang, kami sanggup berkorban tanah awakka anak-ucu kami dudi ari ila nyamai. Kereta ulih datai sangkai bak kaki tangga. Kami berterima kasih ngagai perintah serta YB Datuk Uggah laban udah meri kami projek jalai tuk...."

Signboard menua Ng Tapih

Gaya aik Ng Tapih maya kemarau...

Rumah panjai Ng Tapih

Tuan Jalai bergambar bak jambatan gantung nuju rumah panjai Ng Tapih

Tuan Jalai benong ngelalu ka penatai bala tuai rumah serta anembiak ka bisi datai maya dialog ba Rh Ng Tapih

Tuan Jalai benong nerang pasal projek PIAS tuk tadi...

Sesi dialog benong berjalai....

Sesi ngirup...

Apu!! Maoh amai cangkir teh ngau kopi dirintai depan Tuan Jalai! Ulih ngelu ngirup kopi ngau teh tuk legi...

posted under |

0 comments:

Post a Comment

Newer Post Older Post Home

Jam Diatu

Temuai Ke Udah

Pasal Aku

FEEDJIT

FEEDJIT Live Traffic Feed

Randau Ruai


ShoutMix chat widget

Followers


Recent Comments