Meresa Projek Jalan Kampung Penyulok & Nanga Penebak, Ulu Layar kena 27.03.2009

Tuan Jalai bisi ngabas Projek Jalan Kampung Penyulok & Nanga Penebak, Ulu Layar kena 27.03.2009. Kedua-dua buah projek tuk bisi nostalgia bak ati Tuan Jalai laban tuk meh projek ya ke terubah ya dipegai serta dikemata ka Tuan Jalai empu sekumbang ia udah transfer ari Seksyen Waterwork ngagai Seksyen Road Development kena bulan Februari 2008.

Kedua-dua buah projek tuk tadi berongkos RM200 Ribu setiap siti serta peruntukan nyak tadi datai ari YB Datuk Patinggi Tan Sri (Dr.) Alfred Jabu Ak. Numpang. Peruntukan nyak tadi semina kena ngagak jalai berengkah ari ngerintis, site clearing serta nembuk ka jalai enggau timbuk batu. Ngau pemanah serta pengingin bala menua nyak ka projek jalai, diak sida yak nadai minta pampas tanah enggau buah ari perintah / JKR.

Sebedau jalai tuk siap, diak bala rakyat bak dua buah rumah panjai nyak udu pemerinsa nurun ke pasar; beanjong ke anak sekula serta bejual ka sida getah enggau lada laban sida ya terpaksa bejalai kaki / ngena motosikal sejauh 4 KM sebedau rembus nuju jalai besai; Jalan Ulu Layar. Diatu cukup penyamai serta muntang amai sida nurun ke pasar Betong. Maoh bala diak nyau udah bebeli ka kereta sekumbang rega getah manah amai taun nyin suba.


Kedua buah jalai tuk siap digaga dalam kandang 6 bulan serta digaga sepenuhnya oleh Team Direct Labour JKR; nadai di kontrak ngagai bala kontraktor. Team Direct Labour tuk tadi semina bisi 5 iko serta sida ya magang meh maik bala mesin-mesin JKR baka sida lori, excavator, bulldozer & JCB.

Pejalai Tuan Jalai kena 27.03.2009 tuk tadi berati ke gaya jalai angka nyau bisi putus tauka rusak sekumbang ari udu suah ujan lalu berunding deka ngatur ke repair ati perlu.

Jalai Penyulok, Ulu Layar


Jalai Nanga Penebak, Ulu Layar


Rumah Panjai Nanga Penebak, Ulu Layar. Perati ka maoh amai kereta nyau ulih datai ba "kaki tangga"

posted under |

0 comments:

Post a Comment

Newer Post Older Post Home

Jam Diatu

Temuai Ke Udah

Pasal Aku

FEEDJIT

FEEDJIT Live Traffic Feed

Randau Ruai


ShoutMix chat widget

Followers


Recent Comments